ئارمانج ژ ئه‌ڤێ ڤه‌كۆلینێ, زانینا كاریگه‌رییا گوتنا بابه‌تێ رێزمانا كوردى ب فێربوونا ئه‌لكترونى ل ده‌ڤ قوتابیێن پۆلا ده‌هێ ئاماده‌یێ د حه‌زا لیگه‌ریاندا, ڤه‌كۆله‌رێ پشت ب دیزایننا نیمچه‌ى ئه‌زموونى ب تاقیكرنا پێشیێ و پاشییێ به‌ستییه‌, كۆمه‌لا ڤه‌كولینێ, ژ قوتابیێن كچ یێن یۆلا ده‌هێ وێژه‌یى ل قوتابخانه‌یێن ئاماده‌یێن سپێده‌هییان, كو ژمارا ئه‌وان (3314) قوتابى بوون ل په‌روه‌ردا قه‌زا سیمێلێ بۆ سالا خواندنێ (2023- 2024 )پێكهاتبوو, و سه‌مپلا ڤه‌كۆلینێ (55) قوتابى بوون ژ قوتابخانا (كوماته‌ یا كچان) كو ب ئه‌نقه‌ست هاتبوو هه‌لبژارتن, و ب شیوه‌یه‌كى هه‌ره‌مه‌كى ساده‌ هۆبه‌ك بۆ گرۆپێ ئه‌زموونگه‌رى هه‌لبژارت كو ئه‌وژى هۆبا(ب) بوو, ژمارا ئه‌وان (25)قوتابى, هۆبه‌ك بۆ گروپێ كونترولكار هه‌لبژارت كو هۆبا (أ)بوو, ژمارا ئه‌وان(30)قوتابى. ل گرۆپێ ئه‌زموونگه‌رى كو بابه‌ت ل دویڤ رێكا فێربوونا ئه‌لكترونى دهاته‌ گوتن, و گرۆپێ كونترولكار هه‌مان بابه‌ت ل دویڤ رێكا ئاسایێ دهاته‌ گوتن. ڤه‌كۆله‌رێ پێڤه‌ره‌ك ل سه‌ر (خه‌زالێگه‌ریانێ) د فێربوونا بابه‌تێ رێزمانا كوردی، ژ (35) برگه‌یان به‌رهه‌ڤكرن و هه‌مى تایبه‌تمه‌ندیێن سایكومه‌ترى ده‌رئێخستن. هه‌روه‌سا نه‌گۆرییا پێڤه‌رى ل دویڤ هاوكێشه‌یا (الفاكرونباخ)ده‌رئێخست كو (0.90)بوو. پشتى ئه‌زموون بدوماهیك هاتى, كو وه‌رزه‌كێ خواندنێ ڤه‌كێشا, ڤه‌كۆله‌رێ پێڤه‌ر پراكتیكر و داتا ده‌رهێنان و سه‌ره‌ده‌رییا ئاماره‌یى ب تاقیكرنا (T.test) ل گه‌لدا كرن, ئه‌نجام دیاربوو كو فێربوونا ئه‌لكترونى باشتر و كاراتر و كاریگه‌رییه‌كا مه‌زن, د حه‌زالێگه‌ریانیدا هه‌یه‌ ب به‌راوردكرن ب گرویێ كونترولكار كو هه‌مان بابه‌ت رێكا ئاساییا به‌ربلاڤدا دهاته‌ گوتن.
كلیلكێن په‌یڤان: فێربوونا ئه‌لكترونى, بابه‌تێ رێزمانا كوردى, حه‌زا لێگه‌ریانێ.