١- خواندن، مەشق و راهێنان
خواندن و راهێنان فاکتەرێن سەرەکینە کو شیانا ئافرەتێ بۆ چوونە ناڤ بازارێ کاری زێدە دکەن. هەرچەند ئافرەت خویندەوارتر و شارەزاتر بیت، ئەوەندە دەرڤەتا چالاکیێن ئابووری بۆ وێ زێدە دبن.
٢- بنیات و پێشڤەچوونا ئابووری
پێشڤەچوونا ئابووری و گهورینا بنیاتێ ئابووری، کاریگەریەکا مەزن هەیە لسەر دابەشبونا کار و کێمبوونا کارکرنێ دمال دا. ئەڤ گهورینە دبنە هۆکار بۆ زێدەبوونا داخازیێ لسەر خزمەتگوزاریێن جڤاکی وەک (فێرکرن، تەندروستی، چاڤدێری)، کو ئەڤە ژێدەرەکێ گرنگە بۆ زێدەبوونا پشکداریا کچ و ئافرەتان د بازارێ کاری دا.
٣- سیاسەت و یاسایێن پشتگیریا ئافرەتێ
دانانا سیاسەت و یاسایێن گونجاوی بۆ ئافرەتێ، دگەل ئاسانکرنا کارکرنێ ژدەرڤەی مال، دا ئافرەت بشێت توازنێ دناڤبەرا ژیانێ و بەرپرسیارێن مالێ دا دروست بکەت. هەروەسا پاراستنا مافێن ئافرەتێ دەمێ روبەڕووی بارودوخێن تایبەتی دبت (وەک زاروکبون، نەخوشیێن زاروویا و... هتد)، گرنگە کو مافێن وێ بێ جیاوازییا رەگەزی بهێنە پاراستن.
٤- رولێ سەندیکایان
سەندیکایێن کرێکارا رولەکێ گرنگ هەیە د پاراستنا مافێن ئافرەتێ دا. پێدڤیە ئەوان ئاریشێن کرێکارى چارە بکەن، و رێ ل تمیزا رەگەزی بگرن، بۆ هندێ ئافرەت بشێت ب شێوەیەکێ کاریگەر د پرۆسەیا بەرهەمهێنانێ دا پشکدار بیت.
٥- داخازیێن بنەڕەت بۆ باشترکرنا بارودوخێ ئافرەتێ
ژ گرنگترین پێنگاڤان دیارکرنا شیانێن کەسوکیە یەن تاکەکسانە، بۆ هندێ هەر کەسەک ب شێوەیەکێ دادپەروەرانە بهێتە هەلسەنگاندن و وەک کەسەکێ بەرهەمهێنەر بهێتە نیاسین .