ژ شێخ مەقسوود هەتا ڕێککەفتنا ٣٠ی کانوونا ئێکێ: وەرچەرخانێن پەیوەندیێن د ناڤبەرا حکومەتا سووریا یا دەمکی و هەسەکێ (قسد) دا
ژ شێخ مهقسوود ههتا رێككهفتنا 29ى كانوونا دووێ
پهیوهندیێن د ناڤبهرا حكۆمهتا سووریا ب وهكالهت و هێزێن سووریا دیموكرات (قسد)
دهێته هژمارتن پهیوهندییا د ناڤبهرا ناڤهندا سوورى (حكومهت) و هێزێن سووریا دیموكرات (قسد) دا، ئێك ژ ئالۆزترین و پڕكێشهترین پهیوهندییان د دیمهنێ سووریێ یێ ههڤچهرخ دا. ئهڤێ پهیوهندیێ چ جار شێوێ شهرهكێ ڤهكرى یێ بهردهوام ب خۆ ڤه نهگرتییه، و ل ئالیێ دى ژى نهگههشتییه ئاستێ ههڤپشكییا سیاسی یا جێگیر. بهلكو، ژ دهسپێكا دروستبوونا خۆ ڤه، ب رهوشهكا ههژۆك هاتییه ناسكرن كو تێكهلهكه ژ ههماههنگییا ب پێرا، پێكڤهژیانا نهچارى، و ئهو گرژیا ڤهشارتی یا كو ل ههر گاڤهكێ ئامادهیه بۆ پهقینێ.
ئهڤ سمیناره ژ نموونهیا تاخێ "شێخ مهقسوود" ل باژێرێ حهلهبێ دهسپێدكهت، وهك كاودانهكێ باژێڕى یێ كو سروشتێ ڤێ پهیوهندیێ ل سهر ئاستێ نێخۆیی نیشان ددهت، ل وێرێ یێن كو مژارێن ئهمنى، سهروهرى، و كارگێڕى دگهل راستییا دیمۆگرافى و سیاسی دهكهڤنه د ناڤ ئێك دا.
ژ ڤێ نموونهیێ، خویندن ڤهدگوهێزیت بۆ دهڤهرێن رۆژههلاتێ فوراتێ، وهك مهیدانهكا بهرههڤتر كو تێدا وهرچهرخانێن پهیوهندییا ناڤبهرا ناڤهندا سوورى و "قسد" ب روونى دیار دبن. ئهڤه نه وهك حالهتهكا سهیر و جودا، بهلكو وهك پشكهك ژ ژ نوو شێوهگرتنا دهسههلات و هێزێ ل سووریێ، د قۆناغا پشتى دهولهتا ناڤهندى دا.