تیۆرا ئیریکسۆن یا گەشەپێدانا دەروونی-کۆمەڵایەتی
ئیریکسۆنی ئەڤ تیۆرە ل سالا ١٩٦٥ێ دیار کر، کو تێدا گەشەکرنا مرۆڤی وەک ئەنجامەکێ سروشتی یێ روودانێن کۆمەڵایەتی و کەلتووری دهێتە هەژمارتن. ئیریکسۆن دبێژیت کو پرۆسەیا گونجاندنا کۆمەڵایەتی د هەشت قۆناغان را دەرباز دبیت. ئەڤ قۆناغە کێمتر ب سیستەمێ ئەندامی (بایۆلۆژی) ڤە گرێدایینە، و پتر ب وێ فێربوونێ ڤە گرێدایینە ئەوا د قۆناغێن جودا دا رووددەت. ئیریکسۆن هەمی قۆناغەکێ وەک "قەیرانەکا دەروونی" دبینیت کو پێدڤی ب چارەسەریێ هەیە بەری مرۆڤ بچیتە قۆناغا دویڤ دا.
ئەڤ هەشت قۆناغە ئەڤێن خارێنە:
١. باوەری د بەرهەمبەر بێباوەریێ دا (٠-٢ سالی) – قۆناغا شیرخۆرنێ
٢. سەربەخۆیی د بەرهەمبەر شەرم و گومانێ دا (٢-٤ سالی) – دەسپێکا زارۆکینیێ.
٣. دەسپێشخەری د بەرهەمبەر هەستکرن ب گونەهێ دا (٤-٦ سالی) – ناڤەراستا زارۆکینیێ.
٤. بزاڤ و تێکۆشان د بەرهەمبەر هەستکرن ب کێماسیێ دا (٦-١٢ سالی) – دوماهیا زارۆکینیێ.
٥. ناسینا ناسنامێ د بەرهەمبەر شێواندنا ناسنامێ دا (١٢-١٨ سالی) – قۆناغا سنێلەییێ (مراهقة).
٦. نێزیکی و ئاشنایەتی د بەرهەمبەر گۆشەگیریێ دا (١٨-٣٠ سالی) – قۆناغا گەنجینیێ.
٧. بەرهەمداری د بەرهەمبەر راوەستیان و چەقبەستنێ دا (٣٠-٥٠ سالی) – قۆناغا پێگەهشتنێ.
٨. تەڤاهیا خودێ (رازیبوون) د بەرهەمبەر بێومێدیێ دا (٥٠ سالی هەتا مرنێ) – قۆناغا پیریێ.