زاراڤێ "کارکرنا زارۆکان" زۆربەیا جاران دهێتە پێناسەکرن وەک ئەو کارێ کو زارۆکی ژ زارۆکتیا وی، شیانێن وی و کەرامەتا وی بێبەش دکەت، و یێ زیانبەخشە بۆ گەشەکرنا وی یا جەستەیی و دەروونی.
چەندین ئەگەر هەنە کو زارۆک نەچار دبن کار بکەن. زۆربەیا جاران، کارکرنا زارۆکان دەمێ روودەت کو خێزان تووشی ئاریشێن دارایی یان نەدیاریا پاشەرۆژێ دبن – چ ژبەر هەژاریێ بیت، یان نەخۆشیا کتوپڕ یا سەرپەرشتێ خێزانێ، یان ژدەستدانا کارێ وی کەسێ کو بژێویا خێزانێ دابین دکەت.
زارۆکێن کۆچبەر و پەنابەر – کو گەلەک ژ وان ژبەر شەڕ، کارەسات یان هەژاریێ ژ جه و وارێن خۆ بووینە – د مەترسیا وێ چەندێ دانە کو بهێنە نەچارکرن بۆ کارکرنێ و تەنانەت بازرگانیکرن ب وان ژی بهێتە کرن، ب تایبەتی ئەگەر ب تنێ کۆچ بکەن یان ب رێکێن نەیاسایی دگەل خێزانێن خۆ گەشتێ بکەن.
هەروەسا کارکرنا زارۆکان هندەک جاران ژبەر ئەگەرێن دی یێن وەک کارتێکرنێن (کولتۆری) پەیدا دبیت؛ جار هەیە پالنەرێن خێزانی وەدکەن زارۆک کار بکەت و هاریکاریا دایک و بابێن خۆ بکەت. ژدەستدانا دایک و بابان، پەککەفتنا بابێ، و کێمیا داهاتێ خێزانێ ژی ئەگەرێن سەرەکینە.
ئارمانجا سمینارێ ئەو بوو کو وەک پشکێ جڤاکناسیێ بریارێ بدەین کا دێ چەوا کار کەین بۆ نەهێلانا ڤێ دیاردەیێ. چەندین پێشنیارێن جودا هەبوون کو دێ ل سەر کار کەین .