پشکا دەروونناسی – زانکویا دھۆک

پشکا دەروونناسی ل کولیژا زانستێن مرۆڤایەتی – زانکویا دھۆک ل سالا ٢٠١٩ ھاتە ڤەکرن، وەک بەرسڤەک بۆ پێتڤیا زێدەبوویی بۆ پسپۆرێن خودان شیان کو ل رەفتارا مرۆڤی و شرۆڤەکرنا پرۆسەیێن ئەقلی لدیڤ بنەمایێن زانستی یێن ھاوچەرخ تێبگەھن. ئەڤ پشکە ئێک ژ ئێکەیێن ئەکادیمی یێن سەرەکی یە کو گرنگیێ ب ئامادەکرنا کادرێن زانستی و پیشەیی یێن خودان شیان ددەت، ب رێکا دابینکرنا پرۆگرامێن فێرکرنێ یێن پێشکەفتی کو پشت بەستنێ ل سەر نویترین تیۆری و پراکتیکان ل بوارێن جودا یێن دەروونناسیێ دکەن، ئەڤ پشکە ژینگەھەکا فێرکرنێ و ڤەکۆلینێ یا پشتەڤان پێشکێش دکەت، کو شیانێ ددەتە قوتابیان کو بنەمایەکێ زانستی یێ پێکئینایی و شارەزاییێن پێشکەفتی ل ڤەکۆلینێن زانستی بدەستڤەبینن، کو وان بۆ بەردەوامیدان ب خواندنێن خوە یێن بلند و تێکەل بوون د پیشەیێن دەروونناسی یێن جودا دا ئامادە دکەت.

پشکا دەروونناسی بزاڤێ دکەت کو ببیتە سەنتەرەکێ ئەکادیمی یێ نایاب ل سەر ئاستێ ناڤخۆیی و ھەرێمی د بوارێن فێرکرن، ڤەکۆلین، و خزمەتا جڤاکی دا، و پشکداریێ د ئامادەکرنا دەرچوویێن خودان شیان دا بکەت کو خزمەتگوزاریێن دەروونی یێن بلند پێشکێش بکەن کو پشکداریێ د بلندکرنا ساخلەمیا دەروونی د جڤاکی دا بکەن.

هەروەسا پێشکێشکرنا پرۆگرامێن فێرکرنێ یێن پێکئینایی کو پشت بەستنێ ل سەر ستانداردێن زانستی یێن نوی دکەن، و گەشەپێدانا شیانێن قوتابیان یێن ڤەکۆلینێ و کرداری د بیاڤێ دەروونناسیێ دا، و بھێزکرنا رۆلێ پشکێ د خزمەتا جڤاکی دا ب رێکا ئامادەکرنا پسپۆرێن خودان شیانێن پیشەیی و ئەخلاقی بۆ پشکداری کرن د باشترکرنا کوالیتییا ژیانا دەروونی یا تاکان دا.

ئارمانجێن پشکێ

١. پێدانا قوتابیان ب چەمک، تیۆری، و پراکتیکێن سەرەکی د دەروونناسیێ دا.

٢. راھێنانا قوتابیان ل سەر تێگەھشتنا پرۆسەیێن دەروونی، رەفتاری، و ھەستی لدیڤ مەنھەجەکێ زانستی یێ بابەتی.

٣. گەشەپێدانا شارەزاییێن قوتابیان د بکارئینانا مەنھەجێن ڤەکۆلینا دەروونی و شرۆڤەکرنا داتایێن رەفتاری دا.

٤. ئامادەکرنا دەرچوویێن خودان شیان بۆ کارکرن د بوارێن:

راوێژکاریا دەروونی، دەروونناسیا کلینیکی، دەروونناسیا پەروەردەیی، سەنتەرێن خزمەتا دەروونی و جڤاکی

٥. بھێزکرنا رۆلێ پشکێ د خزمەتا جڤاکی دا ب رێکا ڤەکۆلین، پرۆگرامێن راھێنانێ، و چالاکیێن پیشەیی.