ل سەر ساڵا ٢٠١٤ وەرە، ل روژهەلاتێ ئوکراینا (هەردوو دەڤەرێن دونیتسک و لوگانسك) شەڕ د ناڤبەرا جوداخوازان و حکومەتا ئوکراینادا پەیدابوویە. ب شێوەیەکێ کو هێزێن ئوکراینی ب ئەنجامدانا "کۆمکوژیێ" دژی خەلکێ سڤیل ل دونباس هاتینە تۆهمەتبارکرن. پشتی چەندین کۆمبوون و رێککەفتن د ناڤبەرا حکومەتا رووسیا و ئوکراینادا هاتینە ئیمزاکرن، ژ وان ژی رێککەفتنا "مینسک"، لێ حکومەتا ئوکراینا پێگیریا خو ب وێ رێککەفتنێ نەکـر، ئەڤ چەندە ژی بوو ئەگەرێ روویدانا کۆمکوژیێ ل حەوزا دونباس، لەوما حکومەتا رووسیا پشتەڤانییا جوداخوازان ل دونباس کر ژ پێخەمەت پاراستنا ئاکنجیێن وان دەڤەران.
هەروەسا ئێک ژ ئەگەرێن سەرەکی یێن هەلبوونا ڤی شەڕی د ناڤبەرا هەردوو لایەنان دا، بەرفرەهبوونا سەربازی یا هەڤپەیمانییا "ناتۆ" بوو ل ئوکراینا، کو رووسیا وەک "هێلا سۆر" دبینیت. رووسیا داخواز کربوو کو ئوکراینا نەبیتە ئەندام د ناتۆیێ دا، چونکی ئەندامبوونا ئوکراینا ب رامانا گەهشتنا چەک و مووشەکێن وڵاتێن رۆژئاڤا دبوو بۆ سەر سنوورێن وێ ب شێوەیەکێ راستەوخۆ.