تیۆریا ئاڤادانییا نەهەڤسەنگ ڕوون دکەت کا چەوا گەشەکرنا باژێڕان ب شێوەیەکێ وەکهەڤ د ناڤبەرا باژێڕ و دەڤەران دا رووی نادت، بەلکو ل هندەک باژێڕ یان سەنتەرێن دیارکری کۆم دبیت یێن کو خودان سەرمایە، ژێرخانە، و دەلیڤەیێن ئابووری بن، ل دەمەکێ کو دەڤەرێن دی ب پاشکەفتی یان پەراوێزکری دمینن.
ئەڤ کۆمبوونە دبیتە ئەگەرێ ڕاکێشانا ئاکنجی و وەبەرهێنان بەرەڤ باژێڕێن مەزن، و دبیتە ئەگەرێ بەرفەرهبوونا وان یا بلەز، بەرامبەر لاوازییا خزمەتگوزاری و دەلیڤەیێن کار ل دەوروبەران. د ئەنجام دا، کەلەکێن (فەجوە) دیار د ئاستێ گەشەپێدان و کوالیتیا ژیانێ دا د ناڤبەرا سەنتەر و پەراوێزان دا پەیدا دبن، کو ئەڤ یەکە نا دادپەروەرییا جهی د ناڤ دەولەتێ دا کویرتر دکەت.