خالێن وەک ئێک یێن بنەڕەتی دناڤبەرا ژیانناما یوسف كوڕی یعقوب عليه‌السلام و ژیانناما یوسف كوڕی ئەیوب (سەلاح‌الدین ئەیوبی).
مەرەما مە ژڤی بابەتی ئەو نینە كو یێک سانیێ بکەین دناڤبەرا پێغەمبەرەكێ خودێدا کووەحی بوهاتی ودناڤبەرا سەر کردەیەکێ مێژوویی دا.
بەلێ مەبەست ئەڤەیە كو هاوتاییا سُنەن و ڕێچكەیێن بنچینەیی یێن مەزن یێن لە غوربەتێ و ئەزمون وسەربورا ژیاناما هەردوکان دیار بکەین ، وئەو یاسایێن دادپەروەریا خودایی یێن گەلەک جاران ددیروکێ دا دوبارە دبنەڤە.
یوسف كوڕی یعقوب عليه‌السلام و سەلاح‌الدین ئەیوبی دئێک سوننا دیروکی دا دوەک هەڤن : ئەوژی غوربەتە پاشی تەمکین. یێ ئێکێ هاتە مصرێ وەكو بەندەیەک ، پاشی بی عەزیزێ وێ، یێ دوێ هات وەكو سەرباز، پاشی مصر بوو بنچینەیا دەولەتا وی . هەردوو کان داخوازا سەلطەنەتێ نەکربی ، بەلێ خودێ دەستهەلات دا وان، و سەلطەنەت كرە ئامرازێ داد و كومكرنا مالباتێن وان ، وان ئەو دەستهەلات کرە ئامرازێ دادپەروەریێ وخوش گوزاریا خەلکێ مسرێ نەک زۆرداری و ستەمکاری .