گوهداریکرن زانا و قوتابی و داخازکەرین زانینێ یێن کورد بۆ فەرموودێ ل وەرزین حەجیدا رول د پیشکەفتنا ژیانا زانستى ل حەرەمێن پیروز هەبوو ، چونکى سالانە ژمارەکا زور ژ زانا و شێخین ناڤدار ل هەمى جیهانا ئیسلامى بۆ گریدانا زنجیرە و روینشتینێن گوهداریکرنا فەرموودێ دچوونە مەکەهێ و مەدینێ دکر ئانکو ئەفە وەکو دەرفەتەکا زێرین و دەگمەن بۆ داخارکەریێن زانینێ و بتایبەت زانستى فەرموودێ هاتییە هژمارتن، لەورا ژمارایەکا تا رادەیەکى زور ژ قوتابین کورد بو مەرەمین ئاینی و زانستى و بۆ گوهداریکرنا فەرموودى سەرەدانا حەرەمێن پیروز کریە، ب تایبەت د چەرخێن مە دەست نیشان کرى ئانکو چەرخێ (8-9مش/14-15ز)دا،هەژى ئاماژە پیدانیە کو پشتى چەرخێ (6مش/12ز) پتر زانا و فەرموودەناسین و قوتابین زانین یێن کورد پتر بەرەف مسرى و حیجازى چووینە ژ بەغداد و وەلاتى شامی، ئەڤە ژى ژ ئەگەرى بارودوخێن سیاسی بوون، هەر دیسان پتریا ڤان کەسان ل مەکەهێ یا مەدینێ ئاکنجى دبوون.
زنجیرە و روینشتنین گوهداریکرنا فەرموودى بشیوەکێ سەرتاسەرى ل حەرەمێن پیروز و بتایبەت ل وەرزین حەجیدا دهاتن گریدان ، ئەف زنجیرە ئیک ژ ریکین گرنگ بوون کو رولەکێ زور د بەلافکرنا فەرموودیدا هەبوو ، و نەبتنێ کوردان گوهداریکرنکرییە بەلکو زانایین کورد هەببووینە ئەف زنجیرە بریڤەبریننە و کەسانین زور ئامادەبووینە, دیسان نەبتنیى زەلامین کورد بەلکو ژنا کورد ژى بۆ گوهداریکرنا فەرموودى بەرەف حەرەمێن پیروز چووینە و شیایینە رولێ خو بینین.