دیاردا جوداهیێن تاکەکەسی (Individual Differences) ئێکە ژ راستیێن گەردوونی و یاسایێن ئەزەلی یێن کو حوکمێ رەگەزێ مروڤی دکەن؛ جوداهی ب تنێ نە جوداهیا رووخسار یان سیفاتێن جەستەیی نە، بەلکو هەمەجوریا کویرە د شیانێن عەقلی، سیفاتێن هەستی و بەرهەڤیێن سروشتی دا. تێگەهشتنا ڤان جوداهیان دەرگەهێ راستی یە بۆ چوونە د ناخێ مروڤی دا. ژ ڤێرێ، گرنگیا خواندنا جوداهیێن تاکەکەسی دیار دبیت، نەک تنێ وەک پشکەک ژ زانستێ دەروونناسی، بەلکو وەک ئامرازەکا ستراتیژی بۆ برێڤەبرنا ژێدەرێن مروڤی و پێشئێخستنا جڤاکی ل سەر بنەمایێ "تەواکەریێ" نەک "دووبارەکرنێ".
ئەو لادان یان جوداهی نە ژ تێکڕایێ کومەلێ د سیفاتێن جودا دا (جەستەیی، عەقلی، دەروونی). خالێن وێ یێن سەرەکی ئەڤەنە:
• بڕ نەک جۆر: جوداهیا دناڤبەرا مروڤان دا زۆربەی جاران د "پلەیا" سیفەتێ دایە نەک د "هەبوونا" وێ دا؛ هەمی خودان ژیری (Intelligence) نە، بەلێ د پلە و جورێ وێ دا ژ هەڤ جودان.
• فره‌ رەهەند: لایەنێن ناسینێ (وەک ژیری و بیردانک)، لایەنێن هەستی (وەک میزاج و گۆشەگیری)، و لایەنێن کارامەیی (وەک خێریا ماسولکان) ب خۆڤە دگریت.
• تێکهەلکێشا وارس و ژینگەهێ: ئەڤ جوداهیە ژ نه‌بوویێ پەیدا نابن، بەلکو بەرهەمێ کارلێکرنا ئالۆزە دناڤبەرا "کۆدێن وارس" یێن مروڤی و ژینگەها رەوشەنبیری و جڤاکی دا.
جوداهیێن تاکەکەسی وەک دەرگەهەک بۆ پێشئێخستنا جڤاکی:
• دادپەروەریا پەروەردەیی: ب کارئینانا ستراتیژیێن فێربوونێ یێن کو رەچاویا جورێ فێربوونا هەر قوتابیەکێ دکەن (بصری، سمعی، یان حرکی).
• رێنماییا پیشەیی و ئابوور: دانانا "کەسێ گونجای بۆ جهێ گونجای" داکو بەرهەمئینان و رازیبوونا ل سەر کار زێدە ببیت.
• تەبایا جڤاکی: تێگەهشتنا هندێ کو جوداهی "تەواکەرییە" نەک "خلاف"، ئەڤ چەندە دبیتە ئەگەرێ کێمبوونا کێشەیێن جڤاکی و زێدەبوونا داهێنانێ.