ئێمناهیا مرۆڤی و ئێمناهیا كلاسیك: نێزیکبوونەکا تیۆری و پراکتیکی ب تەکەزکرن ل سەر عیراقێ و هەرێما کوردستانێ
چەمکێ ئێمناهیێ ئێکە ژ چەمکێن هەرە دیار د ناڤ پەیوەندیێن نێڤدەولەتی و ڤەکۆلینێن ئاشتیێ دا. ئەڤی چەمکی د دەهکێن بوریدا وەرچه‌رخانه‌كا بنیاتی ب خۆڤە دیتینە؛ ب شێوەیەکێ ژ گرنگیدان ب پاراستنا دەولەتێ و سنوورێن وێ (ئێمناهیا كلاسیك) بەرەڤ گرنگیدان ب تاکەکەس و پێدڤیێن وی یێن سەرەکی (ئێمناهیا مرۆڤی) هاتییە گوهۆڕین. د ناڤ ڕەوشا عیراقێ و هەرێما کوردستانێ دا، جوداهیا د ناڤبەرا ڤان هەردوو چەمکان دا ب ئاشکەرایی دیار دبیت، ب شێوەیەکێ کو هێشتا سیاسەتێن ئێمناهیێ پتر بەرەڤ ب هێزکرنا لایەنێ سەربازی و سیاسی دچن، ل هەمبەر پشتگوه هاڤێتنا لایەنێن مرۆڤی و جڤاکی. ئەڤ سمینارە ئارمانجا وێ ئەوە هەردوو چەمکان ژ لایێ تیۆری و پراکتیکی ڤە بدەتە نیشاندان، دگەل پێشکێشکرنا خویندنەکا ڕەخنەیی بۆ ڕاستی و ڕەوشا عیراقێ و هەرێما کوردستانێ.