ئاڤاکرنا ئاشتیێ یا گونجاندنێ ئاماژێ ب وێ چەندێ دکەت کو هەڤڕکى د ناڤ دەزگەهێن جڤاکی یێن ئاڵۆز دا رووددەن، ئەوێن ب هه لجوونا نەهێڵى دهێنە نیاسین. ئەڤ چەندە ژی پێدڤی ب جەختکرنێ ل سەر خۆڕاگریا دەزگەهێن جڤاکی و شیانا وان بۆ گونجاندنێ دگەل فشار و شۆکێن جودا دکەت. هەروه سا ئەڤ نێزیکایەتییە جەختێ ل سەر گرنگیا خۆدانکەفتنا ناڤخۆیی دکەت، ب شێوەیەکی کو ئەکتەرێن ناڤخۆیی وەک توخمێن سەرەکی د دیزاینکرن و جێبەجێکرنا پرۆسەیێن ئاڤاکرنا ئاشتیێ دا دهێنە دیتن، ل شوینا پشتبەستنێ ب مۆدێلێن بەرهەڤکری یان یێن ل دەرڤە سەپاندی، وەک ئەوا د ئاڤاکرنا ئاشتیێ یا لیبرال و پاش-لیبرال دا دهێتە دیتن، کو پشتبەستنێ ب نموونەیێن بیانی دکەن وەک مۆدێلێ پێکئینانا جڤاکی و دادپەروەریا ئينتقالي د گەلەک ژ وان دەولەتێن ژ ناڤ جەنگێن توندوتیژ دەرکەفتین.
د ئەڤی سیمیناری دا، دێ هەول دەین رووناهیێ بێخینە سەر ماهییەتا ئاڤاکرنا ئاشتیێ یا گونجاندنێ ب پشتبەستن ب دیارترین چەمکێن ئەڤ نێزیکایەتییێ، کو ئەو ژی: ئاڵۆزی، خۆڕاگری، و خۆدانکەفتنا ناڤخۆیی نە. هەروەسا دێ قەبارێ جوداهی و دژبەریێ دگەل نێزیکایەتیا ئاڤاکرنا ئاشتیێ یا لیبرال و پاش-لیبرال دیار کەین .