سمينار
سمینار
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
- سالا خواندنێ : 2025-2024
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
- پێشکێشکار : م. گەل وان خالد
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
- ناڤ و نێشانێ سمینارێ :
رێفورما چاندنێ ل سوریا و بێ بەهرکرنا کوردان ژ ئەردێ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
-مێژوویا ئەنجامدانێ : 29/10/2024
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
- کورتیەک ل سەر سمینارێ :
پشتى ئێکگرتنا سوریا و مسرى ل ٢٢ێ شوباتا ١٩٥٨ێ هاتە راگەهاندن، حکومەتا هەرێما سوریا دەست ب بجهکرنا یاسایا نوى کر بناڤێ یاسایا رێفورما چاندنێ بتایبەت ل دەڤەرێن کوردى ل باکوورێ سوریا (رۆژئاڤایى کوردستانێ)، ل رێکەفتى ٢٧ێ ئەیلولا ١٩٥٨ێ یاسایا ژمارە (١٦١) بناڤێ یاسایا رێفورما چاندنێ ل سوریا هاتە پەسەندکرن ژلایێ پەرلەمانێ و حکومەتى ڤە.
یاسایا رێفورما چاندنێ پێک دهات ژ (٣٣) بەندان، د یاسایێ دا رێسایێن پێدڤى ب ملکداریا ئەردێ (چاندێ، دێم...) هاتە دەستنێشانکرن، مێکانزما جى بەجێکرنا یاسایى هاتە دارشتن، هەروەسا چەوانیا و قوناغ و دەمێ پێدڤى ژ بۆ بدۆماهیک هاتن ژ یاسایى.
د یاسایێ دا روێبەرێن ئەردى هاتنە دەستنێشکرن، ئەردێ ئاڤێ، ژ (١٥) هکتاران تاکو (٤٥) هکتاران ل دویف دەڤەرێن جودا جودا هاتنە دەستێنشانکرن، ئەردێ دێم، ژ (٨٠) هکتاران تاکو (٢٠٠) هکتاران بوو، ژ بۆ برێڤەچوونا پروسیسا یاسایێ حکومەتێ وەزارەتا نوى ب ناڤى وەزارەتا (الإصلاح الزراعی) پێکئینا.
یاسا د چەند قوناغان را دەرباز بوو، قوناغا ئێکێ هویربینى د رووبەرێن ئەردێ وەلاتیاندا هاتە کرن، ل ناڤەراستا سالا ١٩٥٩ێ لیستا ناڤێن کەسێن چاکسازیا چاندنێ ژێ بگریت هاتنە بەلاڤرن د رۆژنامەیێن فەرمى یێن سوریى دا، پاشان دەست ب سەر گرتنا ئەو روبەرێ ئەردى یێن زێدە هاتە کرن.
ل سالا ١٩٦٢ێ چ گهورێن د یاسایى دا هاتنە کرن، بتایبەت پشتى پروژیێ هەڤگرتنا سوریا و مسرى هاتیە هەلوەشاندن، گهورێن د سنورێ دەستنێشانکرێ و چەوانیا ڤەگوهاستنا ئەردێ ژ ملکى کەسێ بۆ وەزارەتا چاکسازیا ئەردى و پاشان دابەشکرن ل سەر کەسێن بێ ئەرد، ئەڤە چەندە ژى ب تایبەت ل دەڤەرێن کوردى ل حەسەکە هاتنە ئەنجام دان.
ب ئەڤێ چەندێ حکومەتى شیا ئەردێ کوردان ل رۆژئاڤایى کوردستان ژ وەربگریت، تاکو ل سالا ١٩٦٦ێ ب هێشتا سەرژمێریا گشتى ناسنامەیێن کوردان ژێ هاتنە وەرگرتن، و کورد بێ بەهر بوون ژ ئەردى و ناسنامەیێن خو.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
- جهێ ئەنجامدانێ : کولیژا زانستێن مروڤایەتى / پشکا دەروونناسی
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
-هژمارا بەشداربوویا : 12