سمینار
سمینار
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
- سالا خواندنێ : 2023-2024
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
- پێشکێشکار : م. نسرین ایوب محمد صالح
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
- ناڤ و نێشانێ سمینارێ : چاکسازیێن دارا یێ ئێکێ ئەخمینی (522-486پ. ز)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
-مێژوویا ئەنجامدانێ : 15-11-2023
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
- کورتیەک ل سەر سمینارێ :
دارایێ ئێکێ کو ب دارایوشێ مەزن دهێتە نیاسین کورێ (ویشتاسپ) بوو دهێتە هەژمارتن ئێک ژ شاهێن هێز و زیرەک د دەولەتا ئەخمینی دا ل سەر دەمێ ڤی شاهی دەولەتا ئەخمینی گەهشتە گوپیتکا هێزێ ، ئەڤ چەندە ژێ دزڤریت بو وان کارێن گرنگ یێت وی د ماوێ دەستهەلاتا خو ئەنجام دای ، بوو نمونە دەست پێکا دەستهەلاتداریا وی چەندین شورەش و بزاڤێن ناڤخویی ل وەلاتێ وی ب دژی سیستەمێ دەستهەلاتێ پەیدا بوو وەک بزاڤا (ئاترینا لدەڤەرا شوش ، بزاڤا فراورتی لدەڤەرا مدیا ، بزاڤا نیدنیتوبل لدەڤەرا بابل و ... ) بەس شاهـ دارایێ ئێکێ شیا ڤان بزاڤا ژناڤ ببەت و شیا ئێمناهی و ئارامیێ ل وەلاتی دا پەیدا بکەت ، پشتی ڤێ چەندێ دەست ب هندەک چاکسازیێن گرنگ د بواریێن جودا جودا دا کر وەک دەرئێخستنا دوو جورێن پارەی ، پارێ زێری بناڤێ (دریک ئانکو داریک) و پارێ زیڤی بناڤێ (سیکلو) دهاتە ناڤبرن ، هەروەسا دەست ب ئاڤا کرنا قوتابخانێن پێشەسازی ل سەرانسەری وەلاتی دا کر .
کارەکێ دی یێ گرنگ یێ ڤێ شاهی ئاڤا کرنا رێک و بانا بوو وەک ئاڤا کرنا رێکا شوش کو ژ دەریا (مەرمەرە) ل تورکیا نوکە تا وەلاتێ هندێ درێژ دبوو ، هەروەسا رێکا شاهی ئاڤا کر کو ژ باژێرێ سارد پایتەختێ لیدی بوو شوش پایتەختێ ئەخمینی یا دهاتە گرێدان .
هەروەسا گرنگی ب سیستەمێ ڤەگوهاستنا دەنگ و باسا دا و بوو ڤێ مەرەمێ سیستەمەکێ پێشکەفتی بکار ئینا مەرەما وی ژ ڤێ چەندێ ئەو بوو تا کو هەر دەنگ و باسەکێ وەلاتی بساناهی و بزویترین دەم بگەهنە وی .
دیسان وەلاتێ ئیرانێ دابەش کرە سەر چەند ویلایەتا و بو هەر ویلایەتەکێ ژی ساتراپەک دانا کو ل وی سەردەمی دگوتنێ (خشترپاون) کو ڤی کەسێ کاروبارێن ویلایەتا خو ژێر دەستهەلاتا شاهێ مەزن برێڤە دبر .
لدوماهیکێ دێ شێن بێژین کو کار و کریارێت شاهێ ئەخمینی _دارایێ ئێکێ) و ئەو چاکسازیێن وی ئەنجام داین بوونە ئەگەرێ هێز بوون و بەرفرەهـ بوونا وەلاتێ وی و بوو ئەگەر کو وەک شاهێ مەزن د مێژوویێ دا بهێتە نیاسین .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
- جهێ ئەنجامدانێ : کولیژا زانستێن مروڤایەتى / پشکا شینواران
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
-هژمارا بەشداربوویا : 3