سمینار
سمینار
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
- سالا خواندنێ : 2023-2024
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
- پێشکێشکار : م. نسرین ایوب محمد صالح
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
- ناڤ و نێشانێ سمینارێ :
ئاینێ مانی و بیروباوەرێن وێ لسەردەمێ کەڤندا ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
-مێژوویا ئەنجامدانێ : 25-10-2023
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
- کورتیەک ل سەر سمینارێ :
مانی کەسەکە کو دهێتە هەژمارتن دامەزرینەرێ دیانەتا مانی (مانوی) ، ل سالا(٢١٦.ز) ل گوندێ (مردینو) ل دەڤەرا رویبارێ کوتا ل باکورێ بابل ژ دایک بوویە ، لدویف نڤیـــسینێن مانوی ئەوێن ب زمانێ چینی هاتینە دیتن ، ناڤێ بابێ وی (پتک) بوو کو ئەو خەلکێ دەڤـــەرا ئەکبەتانا (هەمدان) بوو ، دەیکا وی ئێک ژ شاهزادێت ئەشکانی بوو کو ابن ندیم دبێژیت ناڤێ وێ ( میس – اوتاخیم – مرمریم) بوو و لدویف ژێدەرێن چینی (منین) ب رامانا ( جانیێ ) بو.
مانی ب درێژاهیا ژیێ خو یێ (٦٠) سالیێ سەر دەمێ پێنج پاشایا بوراندیە وەک سەردمێ (ئەردەوانێ ئەشکانی) ژ دایک بوویە ، سەردەمێ ئەردەشیرێ بابکان دامەزرینەرێ دەولـــەتا ساسانی وەحی بو هاتیە و سەردەمێ شاپــــــــورێ ئێکێ بانگەوازیا خو یا ئایینی راگەهاندیە ، لسەردەمێ هورمزێ ئێکێ شیایە گەلەک رێز و ئازادیێ بدەست خوڤە بینیت ، و لدوماهیـــکێ سەردەمێ بهرام ئێکێ دهێتە کوشتن .
لدویف بیروباوەرێن مانی وی پەیاما خو یا دینی ژ فریشتە (توم) ل ژیێ دوازدەهـ سالیـــــێ وەرگرتیە ، بەس وەحی بو هاتیە کو ژ خەلکی دویر بکەڤیت و پەیاما خو ئاشکەرا نەکەت ، تا کو بورینا دوازدە سالا یەعنی دەمێ گەهشتی یە (٢٤) سالیێ وەحیا دوویێ بو هاتیە بەس ل ڤێ جارێ دیار کریە کو پەیاما خو بشێوەکێ ئاشکەرا رابگەهینیت .
مانی پەرتوکەک ب زمانێ (پارسی میانە – پهلوی) نڤیسیە بناڤێ (شاپور – شاپورگان) بو شاهێ ساسانی شاپورێ ئیکێ دبەت ، ڤی شاهی گەلەک پشتەڤانیـــــــا وی کر دا کو پەیاما خو لدەڤەرێن جودا رابگەهینیت ، دیسان پشتی شاپـــــــــور کوەرێ وی شاهـ هورمزێ ئێکێ ژی پشتەڤانیا وی کریە ، بەلێ لسەر دەمێ شاهـ بهرام ئێکێ ئەڤ شاهە ب دژی وی رابـــوو ب ل سالا (٢٧٦ز ئانکو ٢٧٧ز) فەرمانا کوشتنا وی دا بڤی شێوەی دهێتە کوشتن .
هزر و بیروبوچونێـــت دیانەتا مانی تێکەلەک بــــــوو ژ دیانەتێـــن وی سەردەمــــی وەک (مەسیحیەت - بیروباوەرێن بابلی یێن کەڤــــــن – فەلسەفا هلنی - بیروباوەرێن زەردەشتــــی و بودایی) وی تێکەلەک ژ ڤان هزرا وەک دیانەتەکا جودا چێکر و ل جیهانێ بەلاڤ کر ، لدویف هزروبوچونێت ڤی دیانەتی دوو هێزێن (باشیێ – روناهی) و (خرابیێ – تاری) یت هەیــن کو هەردەم دگەل ئێک یت هەڤرکی یێ دا و هێزا باشیێ سەرکەفتی ترە ژ خرابیێ .ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
- جهێ ئەنجامدانێ : کولیژا زانستێن مروڤایەتى / پشکا شینواران
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
-هژمارا بەشداربوویا : 3