زانکۆیا دهۆك

سمينار لسەر ئاستێ کولیژێ

Dec. 7, 2022, 10:38 a.m.

سمینار لسەر ئاستێ کولیژێ

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

- سالا خواندنێ : ٢٠٢٢-٢٠٢٣

- پێشکێشکار : د. بیکەس جمال الدین حسن

- ناڤ و نێشانێ سمینارێ :

گەشت و گوزارکرنا جهێن شینواری - پارێزگەها دهوک وەک نمونە

-مێژوویا ئەنجامدانێ : ٥-١٢-٢٠٢٢

کورتیا سمینارێ :

ئەڤرۆ رۆژا دووشەمبی رێکەفتی ٥-١٢-٢٠٢٢ ، لدەمژمێر (١١) سپێدی لهۆلا بەدلیسی لکۆلیژا زانستێن مرۆڤایەتی بئامادەبوونا هژمارەکا ماموستا و قوتابیان ، پشکا شوینواران رابوو برێکخستنا سمینارەکێ بۆ بەرێز ( د. بێکەس جمال الدین حسن) رێڤەبەرێ رێڤەبەریا شوینوار و کەلەپوورێن دهۆک ل ژێر ناڤونیشانێن ( گەشت و گوزارکرنا جهێن شوینواری - پارێزگەها دهۆک وەک نموونە) ،

دڤێ سمینارێ باس ل گرنگترین کارێ شوینواری و نیژەنکرن و ئەنجامێن گرنگ یێن هەلکولینێن شوینواری ل پارێزگەها دهوکێ هاتەکرن کو ژلایێ رێڤەبەریا شوینوار و کەلەپوورێن دهۆک بهەڤپشکی دگەل زانکۆیێن بیانی و تیمێن نێڤدەولەتی هاتینە ئەنجامدان ، هەروەسا باس ل وان جورێن گەشتیاری ل پارێزگەها دهوکێ هەین هاتەکرن دگەل وان پلانێن رێڤەبەریا شوینوار و کەلەپوورێن دهۆکێ بۆ ب گەشت و گوزارکرنا جهێن شوینواری هاتینە دانان کو مەرم ژێ سەرنج راکێشانا گەشتیار و تیمێن نێڤدەولەتی و دەزگایێن میدیایێن بیانی بۆ ڤان جهان ژ بۆ پیشاندانا شارستانیەتا کوردستانێ ب تایبەتی دەڤەرا دهوکێ ، بەردەوامی ب سمینارێ بەرێز (د. بێکەس) ئاماژە ب وێ چەندێ کر کو ژپلانێن رێڤەبەریا مە مفاوەرگرتن ژ وان شوینوارناسێن ل زانکۆیێ دەربچن بتایبەت یێن دهۆکێ بهێتە کرن بۆ بەژداریکرنێ دڤان کاراندا .

پشتی دەرگەهێ دان و ستاندنێ هاتیەڤەکرن و گەنگەشە لسەر بابەتی هاتیەکرن سەرۆکا پشکا ناڤبری (د. ژیار صدیق رمضان) دیاریەکا سوپاسی و رێزگرتنێ ئاراستەی بەرێز (د. بێکەس) کر .

- جهێ ئەنجامدانێ : کولیژا زانستێن مروڤایەتى / هولا بەدلیسی

-هژمارا بەشداربوویا : ٨٠

كولیژا زانستێن مروڤایەتی

سمينار لسەر ئاستێ کولیژێ