زانکۆیا دهۆك

سمينار

Oct. 6, 2022, 10:40 a.m.

سمینار

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

- سالا خواندنێ : ٢٠٢٢-٢٠٢٣

- پێشکێشکار : م. محمد تترخان عبدالرحمن

- ناڤ و نێشانێ سمینارێ : دابەشبوونا ئوکرانیا ل گورەیی دینارون

-مێژوویا ئەنجامدانێ : ٤-١٠-٢٠٢٢

- کورتیەک ل سەر سمینارێ :

دابەشبوونا ئوکراین ل گۆرەی دیتنا رۆسی

مامۆستایێ پێشکێشکار: محمد تترخان

دابەشبوونا ئوکراین ل گۆرەی دیتنا رۆسی، رۆسیا ئوکراین وەک نەتەوە و دەولەتەک سەربخوە ب سنۆرێن نھا قەبوول ناکەت، ئەڤێ چەندێ ژی گەلەک رەھەندێن دیروکی، جڤاکی، ئاینی ھەنە و ھەروەسان چونکی نێزیک بوونا ئوکراین ژ وەلاتێن رۆژئاڤایی و ئێکەتییا ئەوروپی مەترسیەکا جدی دروست دکەت ژ بۆ نفۆزێن رۆسی ل ھەرێما پۆست سۆڤیەتی، لەوما بەردەوام ھەر ژ ساڵا ١٩٩١ ھەتا نھا پێکۆلێن کۆنترۆلکرنا ئوکراین یان دابەشکرنا وێ دکەت. ژ بۆ ڤێ ئارمانجێ ژی گەلەک پلان ھەنە کو دوو ژ وان پلانا گەلەک دەنگ ڤەداینە کۆ بریتینە ژ:

پلانا سورکۆڤ-پۆشیلینا

پلانا سورکۆڤ-پۆشیلینا ژ ٣ گاڤا پێک دهێت:

نەهێلانا دەستهەلاتا مەرکەزییا کییڤێ ل سەر هەموو ئوکراینێ، دابەشکرنا ئوکراینێ ل سەر ٣ هەرێمێن فیدراڵ (هەرێما نۆڤەرۆسییا، هەرێما مالەرۆسیا، هەرێما گالیتسینا(
دابەشکرنا ئوکراینێ ل سەر ٣ دەولەتان د ئایندەی دا ئەگەر دەستهەلاتدارێن کییڤێ پێکۆلا کۆنترۆلکرنا هەموو ئوکراینێ کرن.
دابەشکرنا هەرێما مالەرۆسیا ل سەر دوو هەرێمان.

پلانا ژێرێنۆڤسکی

ڤلادیمێر ژێرێنۆڤسکی سەرۆکێ پارتییا لیبراڵ-دیموکراتا رۆسی ل ساڵا ٢٠١٤ پشنیارا دابەشکرنا ئوکراینێ ل سەر ٥ پارچان کر، ل گۆرەی ڤلادیمێر ژێرێنۆڤسکی ئوکراین کیانەکێ دەستکرد و نە سرۆشتییە، رۆسان ئەڤ کیانە دروستکریە و گەرەکە رۆس ڤێ شاشییا خوە یا دیرۆکی راستڤە بکەن و ڤی کیانێ دابەشبکەن ل سەر:

.1رۆسییا هەرێما نۆڤەرۆسیا

.2 پۆلەندا هەرێما گالیتسا

.3هنگارییا پارێزگەها ئوژگۆرەد

.4 رۆمانییا پارێزگەها چێرنۆڤتس

.5 هەرێما مالەرۆس ژی ببیتە دەولەتا سەربخوەییا ئوکرایین

- جهێ ئەنجامدانێ : کولیژا زانستێن مروڤایەتى / پشکا سیاسەتا گشتی

-هژمارا بەشداربوویا : ٥

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

كولیژا زانستێن مروڤایەتی

سمينار