سمينار
سمینار
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
- سالا خواندنێ : ٢٠٢١-٢٠٢٢
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
- پێشکێشکار :
م. ریبوار سیوەیلی
م. مارووف حسن
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
- ناڤ و نێشانێ سمینارێ : کورد و کورونا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
-مێژوویا ئەنجامدانێ : ١٢-٥-٢٠٢٢
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
- کورتیەک ل سەر سمینارێ :
ئەڤرو بەشێ کومەلناسی ل کولیژا زانستێن مروڤایەتی، مێهڤانداریا هەر دوو ماموستا و نڤیسەرێن دیار ، هێژا رێبوار سیوەیلی و مەعروف حەسەنی کر ژ بو نویترین بەرهەمێ وان ( کورد و کۆڕۆنا )
ئەڤ پەرتوکە ژ گەلەگ لایەناڤە هەژی خاندن و گرنگێ پێدانێ یە، لێ یا ژ هەمووان گرنگتر و ب کورتی:
١- کورد و کۆرۆنا پەرتوکەکە کو د گەرمە گەرما پەتایێ کۆرونایێ دا هاتییە نڤیسین.ئەم گەلەگ لسەر هندێ نەهاتیینە راهێنان، کە بابەت د وەختێ خو دا دا بهێنە شروڤە کرن، گەلەگ جاران سال دێ بوورن ژ نوی بابەت دێ هێتە نڤیسین یان شروڤە کرن..
٢- ئەڤ پەرتوکە ب کوردی و بو کومەلگەهێ کوردی هاتییە نڤیسین، ئەو راستی یا کومەلگەه تێدا دەرباس بووی وەک خو هاتیە شروڤە کرن و تیوریزە کرن…
٣. ژ لایێ میتودلوژیڤە شیاینە ب مفا وەرگرتن ژ مێتودێن جێواز، ب شێوازەکێ بابەتیانە و دویر ژ هەست و نەستان، لسەر ئاستێن جێواز ، پەتایێ کرونایێ و کاریگەرێن وێ شروڤە بکەن.
٤. هەر دوو نڤیسەرێن هێژا، هوشیاریا خو یا مێژوویی لسەر وان کارەساتێن ب سەر گەلێ کورد هاتین، کریە هێڤینەک بو دەرباس بوون ژ کارەساتا پەتایێ کورونایێ و پێداچوونا ڤە ب وان هەمی نەهامەتێن مێژوویی..
د گەل سوپاسیێن دووبارە بو هەر دوو ماموستایێن هێژا ، راگرێ کولیژێ، نڤیسەر، رەوشەنبیر، مێدیاکار، قوتابی و ماموستایێن بەشدار بووی.
هیڤی یا مە ئەوە، کە ئەڤ سمینارە و نیاسینا ڤێ پەرتوکێ ، پالدەرەک بیت بو ڤەخاندن و شروڤە کرنا بابەتێن گرێدایێ ب ژیان و کومەلگەهێ مە ڤە د کات و وەختێ گونجایی… یا ژ هەمی یا گرنگتر ب ڤەگەریان و لێگەریان ب رەسانەیاتی یا کولتوری و مێژوویی، باشتر خوە ب کویراتی بنیاسین… تێگەهان سەر ژ نوو شروڤە بکەین، تیوریزە بکەین … زانکویێن مە ببن ئەو مەلبەندێ هزری کە لسەر بناغێ سەروەری و زەنگینی یا کولتوری و هێزا مێژوویی، بشێن ئایندەیەکێ باشتر بو تاکێن ڤی کومەلگەهی دابرێژن..
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
- جهێ ئەنجامدانێ :
سەنتەرێ رەوشەنبیری و جڤاکی ل زانکویا دهوک
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
-هژمارا بەشداربوویا : ٤٩
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ