قوتابیێن قوناغا چوارێ ل پشکا کومەلناسی، چەند سالە بەریا دەرچوونێ، هەر ئێک ب چاندنا دارەکا زەیتونێ ل باغچێ کولیژا زانستێن مروڤایەتی، رێز و حەژێکرنا خو بو وێ ژینگەها، چوار سال تێدا دەرباس کرین دیار دکەن.

چاندنا ڤان داران ژ لایێ قوتابیان، سەرەرایی مفایێ ژینگەهێ، هەلگرا پەیامێن کومەلایەتی و کولتوری و ئابووری یە.

- ژ لایێ کومەلایەتیڤە، دەمێ قوتابی بەشداریێ د چاندنا دارەکێ دکەت و ب دەستێن خو دچینیت، هەستا بەرپرسیارەتی و بەشداریێن جڤاکی و روحا هەڤکاری و پێکڤە کارکرنێ لدەف قوتابیان زێدەتر لێ دهێت.

- ژ لایێ کولتوریڤە، چاندنا داران ژ لایێ قوتابیێن زانکویێ، وەک تەخەکا ئاگەهدار و زانا، دێ فاکتەرەک بیت ژ پێخەمەت زێدەکرنا هوشیاری یا جڤاکی، لسەر گرنگی دان ب پاراستنا ژینگەهێ.

- ژ لایەنێ ئابووریڤە، ب درێژاهی یا مێژوویێ، کشت و کال، ژێدەرێ ژین و ژیانا خەلکێ کوردستانێ بوویە، چاندنا هەر دارەکێ، هزرا داهینان و پەیدا کرنا دەلیڤێن کاری ل ڤی سکتەری دا، لدەڤ قوتابی زێدە دکەت.

سوپاس بو هەوە قوتابیێن هێژا و هیڤیدارم ژیانا هەوە ب کەسکاتی و خوراگری یا دارە زەیتونێ بیت…

سوپاسیەکا تایبەت بو قوتابی ( زانا عدنان محمد ) ل قوناغا چوارێ کە ئیناندنا شتلێن زەیتونێن ئەڤ سالە، ب ستویێ خو ڤە گرت….