پەیداکرنا میکانیزمێن کارا و چەوانیا کارکرنێ و کێمکرنا کێماسیان
پشکا کۆمەلناسێ یا کۆلیژا زانستێن مرۆڤایەتی ل زانکۆیا دهۆک میکانیزمێن کارا بۆ کێمکرنا ئاریشەیێن جڤاکی د روینشتنەكی دا گەنگەشە دکەت
ب ناڤونیشانێ "پەیداکرنا میکانیزمێن کارا و چەوانیا کارکرنێ و کێمکرنا کێماسیان"، پشکا كۆمەلناسی ل کۆلیژا زانستێن مرۆڤایەتی ل زانکۆیا دهۆک، ب هەماهەنگی دگەل رێڤەبەریێن گشتی یێن پەروەردێ و چاڤدێری و گەشەپێدانا جڤاکی، وۆرکشۆپەکا تایبەت، ل ١٠ـی کانوونا ئێکێ، ٢٠٢٥، ل سەنتەرێ رەوشەنبیری ساز کر.
د وۆرکشۆپێ دا، و ب ئامادەبوونا ڕاگرێ کۆلیژێ د. سەعید خودێدا عەلو، و عمر علي طه، رێڤەبەرێ گشتی یێ پەروەردا پارێزگەها دهوکێ، رضا نایف، رێڤەبەرێ گشتی یێ چاڤدێری و گەشەپێدانا جڤاکی ل پارێزگەها دهوکێ، هژمارەکا کەسانێن پسپۆر و تایبەتمەند، ئارمانج ئەو بوو کو پرۆسەیا خزمەتکرنا جڤاکی ب رێکێن زانستی و نوی بهێتە ئەنجامدان و هەماهەنگیەکا بهێز د ناڤبەرا لایەنێن ئەکادیمی و سازیێن حکومی دا دروست ببیت.
د تەوەرێن گەنگەشێ دا، ب سەرپەرشتیا (د. محەمەد سەعید و د. سامیە سەعید)، تەکەزی ل سەر دیارکرنا هیڵێن ڤەکۆلینان یێن "کورت خایەن و درێژ خایەن" هاتە کرن دا کو ڤەکۆلینێن زانکۆیێ راستەوخۆ بۆ چارەسەرکرنا ئاریشە و کێماسیێن د ناڤ جڤاکی دا بهێنە بکارئینان. دەرەنجامێ وۆرکشۆپێ دانانا پلانەکا تۆکمە بوو بۆ دەستنیشانکرنا وان میکانیزمان، ب مەرەما وێ یەکێ کو زانکۆ و دامودەزگەهێن پەروەردەیی و جڤاکی پێکڤە بشێن باشترین خزمەت و چارەسەری پێشکێشی جڤاکێ مە بکەن.