پاراستن ژ سوتنا دەروونى
وورکشۆپ: سۆتنا دەروونی (Burnout) و رێكێن خۆپاراستنێ
سۆتنا دەروونی بوویە ئێک ژ مەزنترین ئالنگاریێن بەلاڤ د ناڤەندێن کارێ ئەکادیمی و کارگێڕیدا، کو کارتێکرنێ ل سەر ئاستێ کارکرنێ، هاندانی و ب گشتی ل سەر تەندروستیا مرۆڤی دکەت. زۆربەیا جاران فەرمانبەرێن زانکۆیان دبن فشارەکا بەردەوام و دەمێن دیارکری و بارێن گران یێن دەروونیدانە، کو دبیتە ئەگەرێ وەستیانەکا جەستەیی و دەروونی یا درێژخایەن.
چارەسەرکرنا سۆتنا دەروونی کارەکێ سەرەکییە، نە بتنێ بۆ پاراستنا تەندروستیا تاکەکەس، بەلکو بۆ بەردەوامیا بەرهەمێ دەزگەهی و ئاڤاکرنا رەوشەکا ئەرێنی یا کاری.
ئارمانجێن وورکشۆپی:
ئەڤ وورکشۆپە دهێتە ئەنجامدان دا کو تێگەهشتنەکا روون بدەتە پشکداران ل سەر سۆتنا دەروونی، ئەگەرێن وێ، نیشانێن وێ یێن ئاگەهدارکرنێ و کارتێکرنێن وێ یێن دوورودرێژ. وورکشۆپ تێکەلەیەکە د ناڤبەرا:
- زانینا تیۆری: تێگەهشتنا زانستی بۆ دیاردێ.
- ستراتیژیێن پراکتیکی: رێکێن کارپێکری بۆ ڤەگەڕاندنا وزەیا مێشکی و هەڤسەنگیا دەروونی.
دێ چ هێتە پێشکێشکرن؟
پشکدار دێ پشکداریێ د دانوستاندنێن هەڤپشک و راهێنانێن پراکتیکی دا کەن کو ل سەر بنەمایێن زانستی هاتینە ئاڤاکرن. د ناڤ وورکشۆپی دا دێ هندەک کەرەستە و رێکێن کرداری هێنە دیارکرن بۆ:
- رێكخستنا فشارێن دەروونی (Stress Management).
- دانانا سنووران د کاریدا.
- بڕێڤەبرنا وزەیا کەسی.
دەرئەنجام:
ئەڤ وورکشۆپە ب شێوەیەکێ کارلێکەر (Interactive) هاتیە دارشتن دا کو دەلیڤێ بدەتە پشکداران کو ل سەر شێوازێ کارێ خۆ و کاردانەڤێن خۆ بەرامبەر فشاران بپەیڤن. ل دوماهیا روونشتنێ، هەر پشکدارەک دێ ب پلانەکا کاری یا کەسی دەرکەڤیت بۆ خۆپاراستن ژ سۆتنا دەروونی.
ئارمانجا دوماهیێ: هاریکاریکردنا فەرمانبەرێن زانکۆیێ یە دا کو ڤەگەڕن سەر کارێن خۆ ب مێشکەکێ روون، هێزەکا نوی، و بەرهەڤیەکا پیشەیی یا بەرزتر