لروژا ٢١-٥-٢٠٢٦، پشکا کومەلناسی ل کولیژا زانستێن مروڤایەتی، وورکشوپەک بو هەلسەنگاندن و گەنگەشەکرنا پروگرامێ خاندنێ ل پشکا ( کارێ کومەلایەتی ) برێڤەبر. وورکشوپ لژێر چاڤدێریا راگرێ کولیژا زانستێن مروڤایەتی( پ.د. سعید خودیدا ) ، ئامادە بوونا ( پ. ی.مصلح ئیروانی ژ زانکویا سوران) ،( پ. ی. د. مهدی عباس و پ. ی. د. حکیم قادر طه ژ زانکویا سەلاح الدین) و هەموو ماموستایێن پشکا کومەلناسی ل زانکویا دهوکێ هاتە ئەنجام دان.

ئارمانجا وورکشوپی، پێداچوون و هەلسەنگاندنا پروگرامێ خاندنێ بو پشکا ( کارێ کومەلایەتی) بوو کو ژ لایێ پشکا کومەلناسی ڤە داخوازا ڤەکرنا وێ هاتیە کرن.

پشکا ( کارێ کومەلایەتی) نها پێدڤیاتی یا هەموو کومەلگەهایە. ئەڤ پشکە قوتابی ب شێوازەکێ ئەکادیمی فێر دکەت کو خزمەتا تاکێن کومەلگەهی، خێزانێ و هەموو یەکە و دامەزراوێن جڤاکی بکەت.

ئارمانجێن بنەرەتی یێن ڤێ پشکێ:

- پەروەردە کرنا پسپورێن پیشەیی کو ب شێوازەکێ زانستی سەرەدەریێ دگەل کێشێن جڤاکی بکەن.

- خزمەتکرن ب تەخێن جڤاکی ب تایبەت زاروک، ئافرەت، دانعەمر و کەسێن خودان پێدڤیێن تایبەت.

- پەرەپێدانا دادپەروەریا جڤاکی و مافێن مروڤی برێکابەلاڤکرنا بەهایێن یەکسانیێ و کەرامەتا مروڤی و رێزگرتن ل جێوازیێن کومەلایەتی.

- زێدەکرنا کارێ پراکتیکی بو چارەسەریێن ئاریشێن جڤاکی و ئەنجامدانا کەیس (Case Management) برێکا ڤەکولینێن زانستی.

- پەرەپێدانا پەیوەندیان د ناڤبەرا زانکویێ و جڤاکی برێکا هاندانا قوتابیێن ب ئەنجامدانا کارێ مەیدانی د گەل دام و دەزگەهێن حکومی و نە حکومی و هەموو یەکەیێن جڤاکی ل دەرڤەیی زانکویان.